Coa participación de dous mil rapaces e rapazas, Compostela acolleu este luns a celebración do Correlingua, actividade lúdico-educativa de reinvindicación da lingua galega, organizada pola Asociación Socio-Pedagóxica Galega, a CIG–Ensino e a Mesa pola Normalización Lingüística, xunto cos Concellos de Lugo, Ourense, Pontevedra e Vigo. Na carreira pola lingua de Santiago participou alumnado procedente de 25 centros de ensino primario e secundario das comarcas próximas á cidade.

As XXII Xornadas de Lingua e Literatura, organizadas pola Confederación Intersindical Galega do Ensino (CIG-Ensino) e a Asociación Socio-Pedagóxica Galega (AS-PG) van ter lugar os días 20 e 21 de abril, na Facultade de Ciencias da Educación de Santiago ( Avda. Xoán XXIII s/n ). Cada ano veñen asistindo a elas un importante número de participantes, na súa maioría profesorado de Lingua e Literatura Galega.

As XX Xornadas de Lingua e Literatura, organizadas pola Confederación Intersindical Galega do Ensino (CIG-Ensino) e a Asociación Socio-Pedagóxica Galega (AS-PG), van ter lugar os días 9 e 10 de abril, na Facultade de Ciencias da Educación de Santiago ( Avda. Xoán XXIII s/n ). Cada ano veñen asistindo a elas un importante número de participantes, na súa maioría profesorado de Lingua e Literatura Galega.

A CIG-Ensino e a Asociación Socio-Pedagóxica Galega, como vén sendo habitual, van desenvolver nesta segunda quincena de setembro as Xornadas de Verán 2009, que terán lugar en oito comarcas de Galiza (A Coruña, Ferrolterra, A Mariña, Lugo, Santiago, Ourense, Pontevedra e Vigo) e nas que participan a redor de 2.000 ensinantes.

O vindeiro venres, día 13 de febreiro de 2009, ás 20:30 horas, no Teatro Principal da Estrada, terá lugar a presentación da Unidade Didáctica e do DVD, titulada “A derradeira lección do mestre” que repasa brevemente a historia do ensino estradense, inserida dentro da situación do ensino galego e da historia do país en xeral, durante un período de 50 anos (1929-1979).

A CIG-Ensino e a Asociación Sociopedagóxica galega (AS-PG) acaban de iniciar as II Xornadas de Socioloxía na Educación, centradas na “Educación na Galiza a través da súa historia”. As xornadas desenvolveransen seis cidades galegas ao longo deste mes e contarán con destacados profesionais do eido da ensinanza e a pedagoxía do noso País.

As Xornadas Laicidade e Cidadanía, celebradas os días 7 e 8 de novembro, no IES Rosalía de Castro, en Santiago de Compostela, reúnen a 320 profesores e profesoras para abordar a problemática das relacións Igrexa- Estado e Laicidade. Durante as xornadas, organizadas pola CIG-ENSINO e a AS-PG, interviñeron personalidades chegadas de distintos puntos do Estado e Portugal para amosar a súa visión sobre esta cuestión.