O persoal do 112 estivo presente o día 11 no acto de campaña do PP de Teo, ao que asistiu Alfonso Rueda, conselleiro da Presidencia da Xunta e segundo denuncian, “máximo responsábel do conflito do Centro de Atención de Emerxencias de Galiza”. No acto, que se insire dentro da campaña de visualización social do conflito levada a cabo polos traballadores e traballadoras desde hai varios meses, e que inclúe tamén a presenza en actos da campaña das eleccións municipais, despregouse unha faixa na que se culpaba directamente á Xunta de Galiza pola súa xestión neglixente e polas promesas incumpridas.

Nas eleccións sindicais celebradas o pasado 7 de marzo a candidatura da CIG resultou gañadora e formará en solitario no Comité de Empresa. Os 5 novos membros do Comité de Telemark Spain, S.L. -empresa que desde o mes de setembro ten a concesión da Xunta para a explotación do teléfono de emerxencias do 112 de Galiza- formaban parte dunha candidatura de 49 persoas nun centro de traballo de 83 traballadores e traballadoras.

A CIG-Banca  de Compostela vén de denunciar que Telemark Spain, S.L., a empresa que desde o pasado mes de setembro ten a concesión da Xunta para a explotación do teléfono de emerxencias do 112 de Galiza, pretende manipular as eleccións sindicais neste servizo. Desde a incorporación da empresa, apuntan, as condicións de traballo do persoal contratado víronse claramente empeoradas e as relacións coa nova empresa son moi tensas.

Os traballadores e traballadoras do CAE 112 de Galiza non descartan ir a unha folga se continúa sen ofrecerse unha solución definitiva a súa situación laboral. Así o anunciou en rolda de prensa o Secretario do Comité, Óscar Valladares, quen tamén sinalou que van solicitar reunións cos candidatos dos tres grupos políticos maioritarios para coñecer a súa postura arredor deste servizo público.

Os traballadores e as traballadoras do CAE 112 continúan a súa campaña de mobilizacións a prol de acadar un acordo definitivo que permita a estabilidade das súas condicións de traballo. O persoal está “acompañando” a Emilio Pérez Touriño nos actos da campaña electoral con pancartas reivindicativas, nos últimos días estiveron xa en Vilagarcía, Cangar e O Grove.

O 11 de febreiro conmemórase o día Europeo do 112, a través do que se recoñece o labor que levan a cabo os traballadores e as traballadoras deste servizo de atención de emerxencias. Pola súa banda, o CAE 112 de Galiza celebrau esta xornada cunha nova mobilización para reclamar un acordo definitivo sobre as súas condicións de traballo.

Tras a situación caótica vivida unha vez máis no CAE 112 de Galicia durante o temporal dos días pasados, os membros do Comité de Empresa denunciaron a falla de previsión por parte da Axencia Galega de Emerxencias e anunciaron o inicio dunha compaña para dar a coñecer os verdadeiros responsábeis do caos vivido a pasada fin de semana.