A CIG de Lugo realizou este xoves unha concentración solidaria cos sete traballadores/as despedidos da Panadería Bollería Majufer, aos que a empresa aínda non abonou as contías correspondentes á liquidación e a indemnización, “obrigando así ao persoal a recorrer a vía xudicial para conseguir o pagamento dos seus salarios”.

Os xulgados da Coruña acolleron o mércores o xuízo contra a multinacional ThyssenKrupp Elevadores por despedir a un traballador ao que tiña como falso autónomo, logo de este que denunciara á compañía para se recoñecera a súa relación laboral como asalariado.

Coindindo coa campaña propagandística da Xunta de Galiza, que aproveitou o Día da Familia, 15 de maio,  para xustificar os recortes cun video propagandístico no que unha familia tradicional (o modelo de familia galega do Partido Popular) non gasta máis do que ten, publicábase no DOG a RPT pola que a consellaría de Traballo e Benestar despide a 59 traballadoras e traballadores da administración pública. “59 familias que se van á cola do paro”, denuncia o sector da Autonómica da CIG-Administración.

Ante a decisión de Gas Natural Fenosa de eliminar a comercializadora Unión Fenosa Comercial, provocando que o servizo de atención ao cliente que se viña prestando na empresa Teleperformance da Coruña sexa eliminado dende o vindeiro 1 de Xuño de 2013, cos conseguintes despedimentos, dende a Sección Sindical da CIG fixeron as seguintes aclaracións:

O persoal do CHUS segue a reclamar a aplicación dos criterios de igualdade, mérito e capacidade para o acceso ás prazas e que estas non sexan designadas “a dedo”, de forma arbitraria, por parte da xerencia ou dirección de enfermería. Por iso volveu a concentrarse esta mañá diante do edificio do Sergas e anuncia que valorará unha inminente convocatoria de folga nos quirófanos a fin de seguir coas mobilizacións.

O martes, os/as traballadores/as de Alimentos Lácteos volvían unha vez máis a Santiago de Compostela para tentar arrincar unha resposta favorábel por parte do Goberno galego para o proxecto de negocio, primeiro na reunión co responsábel de XesGalicia e despois no propio Parlamento. Porén, malia a proximidade da entrada no concurso de acredores, do cumprimento cos requisitos marcados pola administración e das distintas iniciativas presentadas no Pazo do Hórreo, o persoal regresaba a Outeiro de Rei coas mesma incerteza e “sen que existan perspectivas, datas significativas ou pasos definitivos a concretar nesta semana ou na que vén”.

Este martes celebrouse a segunda das reunións do período de consultas aberto pola dirección de La Voz de Galicia coa intención de inaplicar parte do convenio en vigor. O Comité sinala que a empresa “non mostrou vontade críbel de modificar a súa plataforma inicial”: a Proposta do 66 % e que tampouco pechou a porta aos despedimentos baseados na disposición adicional primeira do convenio que se discute na AGA. O comité solicita a retirada da proposta porque entende que o informe foi elaborado ‘ad hoc’ para xustificala.