Traballadores/as e delegados/as da CIG, CCOO e UGT na residencia privada da terceira idade Valle Inclán de Vilanova de Arousa protagonizaron onte unha concentración diante do centro para denunciar represión sindical por parte da dirección. O propietario despediu catro persoas, a última delas nada máis rematar a mobilización, por denunciaren a retirada dun complemento salarial e opoñerse ao cambio de horarios e quendas.

A CIG-Servizos de Vigo convocará folga indefinida na cafetería do hospital Meixoeiro a partir do luns 17 de xuño tras o despedimento do delegado de persoal por parte da empresa concesionaria, Oh! Vigo. Dende a central nacionalista rexeitan que a decisión se deba, como argumenta o propietario, ao “mal comportamento” do empregado e sosteñen que se trata dunha represalia pola súa actitude reivindicativa, en especial durante a folga que tivo lugar o pasado mes de novembro.

Tres traballadoras presentaron a última hora da tarde de onte unha denuncia na Policía española por insultos e agresións contra o propietario da cadea de tendas de roupa viguesa Mariel Boutiques. Dúas delas tiveron que ser atendidas en urxencias tras unha protesta autorizada diante da casa do empresario para reclamar o pago dos salarios e da indemnización que lle adebeda a unha empregada despedida.

O hospital Meixoeiro de Vigo foi escenario hoxe dunha concorrida mobilización en solidariedade cos traballadores/as da cafetería, xestionada pola empresa Oh! Vigo. Dende a CIG-Servizos denuncian que propietario pretende abrirlle un expediente sancionador ao delegado sindical e continúa sen abonar as pagas que adebeda.

A CIG-Ensino convoca unha nova concentación solidaria coas persoas despedidas no centro San Xerome Emiliani da Guarda. Durante a protesta, que terá lugar na Alameda este sábado 18 ás 11.30 horas, tamén se recollerán sinaturas  para reclamar a readmisión dos afectados/as.

A CIG-Ensino vén de iniciar unha campaña de recollida de sinaturas en solidariedade coas persoas despedidas do centro San Xerome Emiliani da Guarda e para reclamar a súa readmisión. Máis de 300 persoas xa amosaron o seu apoio á iniciativa dende o pasado sábado día 11 de maio.

A CIG-Ensino convoca unha concentración para reclamar a readmisión das catro persoas despedidas no centro San Xerome Emiliani da Guarda. A protesta desenvolverase na Alameda da Guarda este sábado día 4 ás 11.30 horas.