Preto de 100 delegados e delegadas participaron este ano na Xornada Formativa organizada no marco de Previsel, Salón da Seguridade e a Saúde Laboral, en Ourense. Así mesmo a CIG contou cun expositor informativo no que foron atendidas as cuestións que formularon os/as visitantes á feira.

A seguridade e a saúde laboral, son dereitos fundamentais e polo tanto esenciais e innegociables para o conxunto da clase traballadora. Ámbolos dous conceptos van intimamente ligados e son directamente interdependentes das condicións de traballo establecidas. Neste senso, a actual reforma laboral do goberno do PP consagrouse coma unha elección política e ideolóxica, no marco dun modelo social e económico ultraliberal, que deixou de feito desprotexida e indefensa á maioría social traballadora, perante ao poder absoluto outorgado aos empresarios para desregular e impoñer de xeito unilateral as condicións de traballo nas relación laborais.

A CIG reclámalle á Inspección de Traballo que paralice temporalmente as obras de construción da liña ferroviaria de Alta Velocidade en Ourense tras tres accidentes en dous días -un deles cunha vítima mortal- até que non se garanta a seguridade e integridade dos operarios/as. Dende a central nacionalista denuncian as condicións de insalubridade na que estes desenvolven o seu labor “en xornadas nas que os descansos e a turnicidade non cumpren coas xornadas diarias nin semanais”.

Nunha sentenza notificada este mércores, día 3 de abril, o Xulgado Central do Contencioso-Administrativo núm. 2, con sede en Madrid, estimou o recurso da Confederación Intersindical Galega (CIG) contra a resolución do Secretario de Estado da Seguridade Social que fixaba os obxectivos de xestión para o ano 2011, e que servían de base para o cobro do complemento de produtividade dos médicos do ISM.

A CIG manifesta o seu pesar e trasládalle as súas condolencias os familiares do traballador da empresa Vías e Construcións falecido durante a xornada nocturna do luns nas obras do AVE na estrada de Vilar de Barrio a Laza, en Ourense. Ao mesmo tempo, dende a central nacionalista denuncian que a falta de medidas de seguridade e a presión que se exerce sobre os operarios/as “están a provocar situación extremas de perigo” e reclaman un control efectivo por parte da Inspección de Traballo.

Segundo a última “Información Estatística das Enfermidades Profesionais” publicada polo Instituto Galego de Seguridade e Saúde Laboral (ISSGA) para o primeiro, segundo e terceiro trimestre do ano 2012, o rexistro de enfermidades profesionais (EP) en Galiza pon de manifesto que a segunda causa das mesmas é a inhalación de substancias daniñas nos postos de traballo. Por iso o Gabinete Técnico Confederal de Saúde Laboral vén de editar a Guía de “Risco Químico”, na que se analizan os efectos adversos das substancias perigosas e as necesarias medidas de protección que deben adoptar as traballadoras/es para a súa prevención.

O Comité de empresa de Albada vén de informar que a Inspección de Traballo fixo un requirimento á dirección da empresa para que corrixa todas as anomalías que propoña a representación do persoal en cuestións que afectan á seguridade e saúde nos postos de traballo da Planta de Tratamento de Residuos Sólidos de Nostián.