O Xulgado do Social nº 1 de Ourense ven de ditar Sentenza na que recoñece a enfermidade profesional dun traballador da Fundación Valdegodos en Viana do Bolo, que ocupa o posto de celador, a quen determinados produtos que habitualmente manipula, lle producen unha forte dermatite de contacto.

A CIG de Ourense vén de realizar unha avaliación dos índices de sinistralidade laboral rexistrados durante o pasado ano na provincia que revela un descenso significativo do número de accidentes. Non obstante, advírtese, as cifras non supoñen ningún progreso nas políticas de prevención nin maiores controis sobre a seguridade e a saúde no traballo, senón que veñen dadas por mor do incremento do paro e dos expedientes de regulación de emprego.

A Inspección de Traballo vén de efectuar un requirimento á consellaría de Medio Rural en Ourense, polos incumprimentos en materia de prevención de riscos. A actuación inspectora produciuse logo dunha denuncia presentada pola CIG ante a actitude da consellaría, que ignorou as peticións e propostas da central sindical para que se cumprise a normativa.

O Gabinete Técnico de Saúde Laboral da CIG presentou o pasado venres, día 18 de decembro en Ferrol, unha xornada técnica na que se fixo a presentación pública de dúas novas publicacións elaboradas polo Gabinete. Ademais, este luns presentouse en Vigo a publicación, “Identificación de Riscos Laborais e Guía de Boas Prácticas para o Sector da transformación de Pedra Natural”. 

Ferrol e Vigo acollen sendas xornadas organizadas polo Gabinete Técnico de Saúde Laboral os días 18 e 21 de decembro baixo o título, no primeiro caso, de “Novas ferramentas preventivas: Compilación normativa e Guía de boas prácticas sobre o amianto” e, no segundo, “Identificación de Riscos Laborais e Guía de Boas Prácticas no sector de transformación da pedra natural”. Para ampliar información e realizar a inscrición previa pódese contactar con: saudelaboral@galizacig.net ou co teléfono 981 359 449.

O Gabinete Técnico de Saúde Laboral da CIG vén de presentar denuncia diante da Inspección de Traballo contra a Xefatura Territorial en Ourense da Consellaría do Medio Rural por non ter realizada a avaliación de riscos dos postos de traballo adscritos a cinco distritos forestais e ambientais, no referido ás funcións e cometidos profesionais que realizan fóra das oficinas, e nos que se ocupa a uns 160 traballadores/as.