Os mariñeiros da flota cefalopodeira galega en Mauritania animan á cidadanía a participar na manifestación do venres 24 en Marín para reclamar un novo acordo pesqueiro entre a UE e o país africano que lles permita regresar ao traballo. Unha representación dos afectados e da CIG-Mar manterá unha xuntanza co alcalde de Pontevedra para solicitarlle o seu apoio a unha marcha que partirá da Alameda ás 20.30 horas.

Arredor de 150 delegados/as sindicais, traballadores/as e parados/as do naval vigués realizaron hoxe un corte de tráfico para reclamar carga de traballo e unha solución definitiva ao problema da retroactividade das axudas e da falta de financiamento. A protesta desenvolveuse despois de que a CIG-Metal analizase en asemblea o inicio das negociacións do novo convenio colectivo do sector tras a constitución da mesa.

O comité de Biofabri, presidido pola CIG, convocará folga para rexeitar a intención da empresa farmacéutica con sede no Porriño de despedir 39 dos 79 traballadores/as. Os representantes do cadro de persoal denuncian que existía un compromiso por parte da dirección para manter o emprego até 2015. 

Este mércores tivo lugar ás portas do Hospital Materno Infantil da Coruña unha nova concentración en defensa da actividade dos Centros de Orientación Familiar e, nomeadamente, polo mantemento do servizo no Centro de Especialidades do Ventorrillo.

Organizacións sindicais de Europa, África e América acompañarán á CIG no seu VI Congreso, o que constata o recoñecemento internacional que a central sindical ten malia ser unha organización da clase traballadora dunha nación sen estado. Xunto ás delegacións das organizacións sindicais de distintos países participan tamén organizacións de carácter internacional como a FSM (Federación Sindical Mundial) e a CSPLP, (Confederação Sindical dos Países de Lingua Portuguesa).

O hospital Meixoeiro de Vigo foi escenario hoxe dunha concorrida mobilización en solidariedade cos traballadores/as da cafetería, xestionada pola empresa Oh! Vigo. Dende a CIG-Servizos denuncian que propietario pretende abrirlle un expediente sancionador ao delegado sindical e continúa sen abonar as pagas que adebeda.