A federación de Saúde da CIG de Pontevedra vén de denunciar que aproximadamente o 20% das camas (un total de 113) do Complexo Hospitalario Universitario de Pontevedra (CHOP) estará fóra de servizo do 1 de xuño ao 31 de outubro, o que vai afectar negativamente tanto a usuarios/as e pecientes como aos propios/as traballadores/as.

A FGAMT-CIG amosa o seu total rexeitamento ao traslado de traballadores/as entre as distintas empresas do grupo Pescanova ao considerar que non obedecen a necesidades organizativas nin produtivas, senón a “pago de favores polos servizos prestados”. Por outra banda, a central nacionalista presentarase este xoves como parte interesada no concurso de acredores da compañía para defender o emprego en mellores condicións.

CIG-Saúde denuncia que as traballadoras e traballadores do Centro de Transfusión de Galiza están a recibir unha comunicación da dirección da fundación pola que se lles comunica a suspensión do acordo de equiparación salarial 2004-2006 coa consecuente eliminación das súas nóminas das cantidades correspondentes a este concepto. A central sindical considera que esta decisión é consecuencia da mala xestión da fundación e vén de presentar no rexistrou n escrito dirixido á conselleira de Sanidade, Beatriz Mosquera, mo que reclama do Sergas que paralice este recorte salarial.

A CIG-Saúde vén de presentar alegacións á Orde da consellaría de Sanidade pola que se incorporan cláusulas de mobilidade forzosa. Denuncia ademais que se pretenden regulamentar as modalidades de formalización de nomeamentos temporais do persoal estatutario contemplando xornadas de até o 75% para a cobertura de xornadas a tempo completo.

Delegados/as da CIG-Servizos desenvolveron hoxe unha protesta diante dunha das tendas de Mariel Boutiques en Vigo para reclamar o pago dos salarios e da indemnización que o propietario lle adebeda a unha traballadora que despediu despois de que denunciase a modificación substancial das condicións laborais. Os problemas da empregada, que se atopaba de baixa por acoso laboral cando foi despedida, comezaron cando solicita a redución de xornada para o coidado dunha filla.

No prazo dun mes, se a Xunta non garante a liquidez necesaria para reiniciar a  actividade, Alimentos Lácteos entrará en concurso de acredores. En xogo están os ingresos de 81 familias que dependen directamente do salario que reciben da factoría e doutras 2.500, entre produtores, cooperativas e transportistas que vinculan a súa actividade á empresa. A isto engádense as consecuencias económicas que terá para Outeiro de Rei e a súa zona de influencia. Fronte a isto, a única resposta da administración é que está a facer un traballo silencioso. Tanto que se descoñece en que consiste ou se dará froitos.