Documentos Vigo, 18 de decembro de 2001 Mocidade e inserción laboral   Secretaría Confederal de Formación Sindical e Migración- cig.form-sindical@galizacig.com A situación da mocidade asalariada A entrada no mercado laboral da mocidade non é doada en Galiza, ante todo porque a demanda de emprego é moi superior á oferta, o que se soluciona (en parte) coa expulsión de man de obra (emigración) a outras nacionalidades e autonomías do Estado español, fundamentalmente. Esta perda de man de obra é moi negativa para o país desde un ponto de vista económico, e provoca graves consecuencias sociais (ruptura do entorno familiar, despoboación, baixa natalidade, etc.). Mesmo así, a taxa de paro é superior á media do EE, e está moi por riba do resto dos estados da Unión Europea (UE). Vexamos dun xeito migalleiro algúns datos. A evolución das demandas e as colocacións foi a seguinte: Ano 1989 1994 2000 Demandas de emprego 399.938 454.975 877.259 Colocacións 220.675 285.902 685.742 Fonte: INEM. Aínda tendo en conta que unha parte das demandas estean feitas por persoas que teñen nese intre un posto de traballo, son xubilados ou busquen un emprego temporal (en total unhas 22.000 demandas menos), o certo é que o diferencial entre demanda e oferta é moi alto en Galiza, aínda que deveceu nos últimos anos. Fonte: INEM. Que exista un número tan elevado de colocacións non se debe a que se xeren un número igual de empregos, senón a que hai unha taxa moi elevada de contratos eventuais (temporais) e unha rotación máis alta cada ano que pasa, ou sexa contratos cunha menor duración. Hoxe en día estamos perto dos tres contratos por cada emprego temporal, aínda que, na práctica, tamén hai unha rotación entre os traballadores temporais e unha parte dos parados. A temporalidade ten as súas porcentaxes máis elevadas entre a mocidade, tal como se reflicte no seguinte cadro, xa que un 63% dos asalariados con contratos menores de 30 anos é eventual. Seguinte ...

Confederación Intersindical Galega www.galizacig.com ÚLTIMA REVISIÓN: 18/12/2001