| ||
  | ||
 | ||
| A CIG e o mundo | ||
A acción sindical ten unha compoñente importante de relación internacional, tanto por razóns de solidariedade como pola necesidade de actuar coordenadamente nunha economía globalizada que ignora fronteiras e distancias. Coherentemente con esta realidade a CIG, nos seus congresos, ven definindo unhas pautas de actuación que pasan por potenciar a súa presencia nos foros internacionais. Esta presencia é para nós especialmente importante nos ámbitos de Europa, Latinoamérica e Mundo Lusófono. En Europa, por ser o espazo xeográfico no que estamos inmersos, traballaremos polo establecemento de relacións bilaterais o máis amplas posíbeis. En Latinoamérica, onde a emigración galega está especialmente presente, potenciaremos especialmente as relacións coas organizacións sindicais coas que temos coincidencias programáticas, de concepción política-sindical e de acción sindical. No mundo lusófono, especialmente con Portugal, por termos en común a lingua. O carácter plurinacional do Estado español ten o seu correlato na existencia de varias centrais sindicais nacionalistas. Unha fluída e permanente relación con elas é tamén unha prioridade nas relacións da CIG con organizacións non galegas. A CIG estivo sempre aberta a manter relacións con todas as internacionis sindicais: FSM, CMT e CIOSL. No último congreso ratificouse esta posición, recoñecendo e valorando que a posición nidiamente antiimperialista de CMT e FSM favorecen as nosas relacións con elas dúas. | ||
| ||
ÚLTIMA REVISIÓN: 31/05/2004 |
