-Migración GalizaCIG-

Guía do retorno / Compéndio de textos legais que fan referéncia á emigración de retorno

Axudas en favor das persoas emigrantes retornadas

As axudas que se recollen neste apartado están reguladas pola Orde Ministerial do 29 de agosto do 2000, pola que se estabelecen as bases reguladoras da concesión das axudas e subvencións públicas correspondentes aos Programas de actuación a favor das persoas emigrantes do Estado español (BOE do 14 de setembro).

1. Axudas asistenciais extraordinárias para persoas emigrantes retornadas 2. Axudas para facilitar a integración laboral das persoas emigrantes retornadas 3. Axudas para o desenvolvimento de accións de información sócio-laboral e orientación en favor das persoas emigrantes retornadas 4. Axudas destinadas a promover a participación das persoas emigrantes retornadas en programas de formación profisional de carácter ocupacional 5. Outras axudas de apoio á criación de emprego

1. Axudas asistenciais extraordinárias para persoas emigrantes retornadas

Obxecto Atender determinadas necesidades económicas das persoas emigrantes do Estado español ou familiares que convivan e dependan economicamente delas, para axudar a sufragar os gastos extraordinários derivados do feito do retorno. Persoas beneficiárias As persoas emigrantes do Estado español que retornasen ao Estado español e os seus familiares, debendo acreditar os primeiros que traballaron, cando menos, un ano no exterior desde a última saída do Estado español. Excepcionalmente, poderá-se reducir este tempo sen que en nengun caso ese período sexa inferior a seis meses. Entenderá-se por familiares da persoa emigrante retornada, as persoas que convivan e dependan económicamente desta e estean unidas á mesma por matrimónio agás casos de separación ou divórcio, ou por parentesco por consanguinidade ou afinidade en primeiro grao ou por adopción. Sómente poderá ser beneficiária unha das persoas membro da mesma unidade familiar. Tamén terán direito a estas axudas as persoas emigrantes do Estado español que se atopen temporalmente no Estado español asi como os seus familiares antes indicados, sempre que a causa que motive a solicitude se producise en território español. As persoas familiares sinalados que residan no Estado español, estean a cargo da persoa emigrante e estean en situación de precariedade. Contia Será variábel, en función da causa que motive a solicitude e a situación económica e familiar da persoa interesada e co límite máximo de 750.000 pesetas. Requisitos Estar nalgunha das circunstáncias seguintes e sempre que exista un estado de necesidade: Situación de precariedade da persoa retornada ou das persoas familiares ao seu cargo. Situación de precariedade das persoas sinaladas anteriormente, derivada do feito de tratar-se de famílias monoparentais. Problemas graves de saúde que non se poidan atender pola Seguridade Social e necesiten atención imediata. Gastos de asisténcia xurídica en procesos sóciolaborais asi como civis e penais en procesos de separación, divórcio e alimentos ou derivados de violéncia doméstica sempre que as persoas interesadas non se poidan acoller á xustiza gratuita. Outros gastos extraordinários derivados do retorno, excluindo-se o translado de móbeis e trebellos. Prazo e lugar de apresentación de solicitudes Esas axudas poden-se solicitar en calquer momento durante os dous anos imediatamente posteriores á data do retorno e en calquer dos Rexistros ou oficinas ás que se refire o artigo 38 da Lei 30/1992 do 26 de novembro e, en todo caso, nas Áreas e Dependéncias Provinciais de Traballo e Asuntos Sociais das Delegacións ou Subdelegacións do Governo respectivamente, correspondentes ao domicílio da persoa solicitante ou, se fose o caso, nas Direccións Insulares. Documentación a apresentar 1. As solicitudes de axudas apresentadas no Estado español polas persoas emigrantes retornadas formularán-se no modelo oficial e acompañarán-se da seguinte documentación: a) Cópia compulsada do documento de identidade, DNI, ou pasaporte en vigor. b) Certificación da condición de emigrante retornado, emitida polas Áreas ou Dependéncias Provinciais de Traballo e Asuntos Sociais das Delegacións ou Subdelegacións do Governo, respectivamente, correspondentes ao domicílio da persoa solicitante. No seu defeito, achegará calquer outro documento que acredite a data do retorno definitivo ao Estado español. c) Xustificantes de ter traballado no exterior durante un período mínimo dun ano, ou excepcionalmente durante seis meses, desde a última saída do Estado español, esta data acreditará-se mediante o pasaporte español onde figure ese dato ou por calquer outro meio de proba admitido en Direito. Os documentos laborais que non sexan oficiais deberán vir adverados, respeito do seu contido, pola Consellaria Laboral e de Asuntos Sociais ou outra autoridade española no exterior. d) Documentación acreditativa dos ingresos e rendas que se perciben pola persoa emigrante e outros membros da unidade familiar, achegando asi mesmo, se é o caso, a xustificación das axudas recoñecidas por outras entidades públicas ou privadas, con indicación da sua contia. No seu defeito, apresentará declaración xurada ou promesa de carecer de meios económicos suficientes para afrontar a situación de necesidade formulada. Neste último caso deberá-se achegar un informe social expedido polo Concello onde estea empadroada a persoa interesada ou por unha Unidade de traballo social. e) Acreditación, cando proceda, dos gastos que motivan a petición da axuda. 2. Cando a solicitude a formule a persoa emigrante residente no exterior e que se encontre temporalmente no Estado español, achegará a seguinte documentación: a) Cópia compulsada do documento de identidade, DNI, ou pasaporte en vigor. b) Alta consular ou calquer outro documento que acredite a condición de emigrante. c) Documentación acreditativa dos ingresos e rendas que se perceben pola persoa emigrante e outros membros da unidade familiar, achegando asi mesmo, se é o caso, a xustificación das axudas recoñecidas por outras entidades públicas ou privadas, con indicación da sua contia. No seu defeito, apresentará declaración xurada ou promesa de carecer de meios económicos suficientes para afrontar a situación de necesidade formulada. Neste último caso deberá-se achegar un informe social expedido polo Concello onde estea empadroada a persoa interesada ou por unha Unidade de traballo social. d) Acreditación, cando proceda, dos gastos que motivan a petición de axuda. 3. Cando as solicitudes se formulen polos familiares da persoa emigrante que estean temporalmente no Estado español, deberá-se aportar: a) Cópia compulsada do documento de identidade ou pasaporte en vigor. b) Alta consular ou calquer outro documento que acredite que a persoa solicitante é familiar dunha persoa emigrante. c) Documentación acreditativa dos ingresos e rendas que se perceben pola persoa emigrante e outros membros da unidade familiar, achegando asi mesmo, se é o caso, a xustificación das axudas recoñecidas por outras entidades públicas ou privadas, con indicación da sua contia. No seu defeito, apresentará declaración xurada ou promesa de carecer de meios económicos suficientes para afrontar a situación de necesidade plantexada. Neste último caso deberá-se achegar un informe social expedido polo Concello onde estea empadroada a persoa interesada ou por unha Unidade de traballo social. d) Acreditación, cando proceda, dos gastos que motivan a petición da axuda. e) Cópia compulsada do Libro de Família ou outro documento, acreditativo do parentesco coa persoa emigrante, asi como declaración xurada de depender economicamente da mesma. 4. Cando a solicitude se formule polos familiares da persoa emigrante residentes no Estado español, deberá-se apresentar: a) Cópia compulsada do documento de identidade ou pasaporte en vigor. b) Alta consular ou calquer outro documento que acredite que a persoa solicitante é familiar dunha persoa emigrante. Cando o familiar solicitante residente no Estado español sexa cónxuxe viúvo da persoa emigrante, en lugarda alta consular achegará-se certificado de defunción da persoa emigrante expedido pola autoridade competente do país onde se producise o falecimento. c) Documentación acreditativa dos ingresos e rendas que se perciben pola persoa emigrante e outros membros da unidade familiar, achegando asi mesmo, se é o caso, a xustificación das axudas recoñecidas por outras entidades públicas ou privadas, con indicación da sua contia. No seu defeito, apresentará declaración xurada ou promesa de carecer de meios económicos suficientes para afrontar a situación de necesidade formulada. Neste último caso deberá-se achegar un informe social expedido polo Concello onde estea empadroada a persoa interesada ou por unha Unidade de traballo social. d) Acreditación, cando proceda, dos gastos que motivan a petición da axuda. e) Cópia compulsada do Libro de Família ou outro documento, acreditativo do parentesco coa persoa emigrante, asi como declaración xurada de depender economicamente da mesma. f) Certificado de empadroamento expedido polo Concello onde resida a persoa solicitante.

2. Axudas para facilitar a integración laboral das persoas emigrantes retornadas

Obxecto Facilitar a integración laboral das persoas emigrantes retornadas do Estado español. Persoas beneficiárias Traballadores/as do Estado español retornados que desexen estabelecer-se como autónomos ou participar como sócios/as traballadores en Sociedades Cooperativas de traballo asociado ou en Sociedades Anónimas Laborais. Contia Será variábel, segundo as circunstáncias, e co límite máximo de 700.000 pesetas. Requisitos Acreditar ter traballado, cando menos, doce meses no exterior desde a última saída do Estado español e estar desempregados e inscritos nas Oficinas de Emprego na data de presentación de solicitude da axuda, ou ter estado nesta situación nos seis meses anteriores a esta solicitude. Que non transcorresen máis de dous anos desde a data do retorno. Prazo e lugar de apresentación de solicitudes Estas axudas poden-se solicitar en calquer momento durante os dous anos imediatamente posteriores á data do retorno, sempre que a persoa solicitante non desenvolvese unha actividade por conta allea de duración superior a doce meses continuados desde a data do retorno ou non percebera, antes da solicitude da axuda, prestación de desemprego de nível contributivo durante un período superior a catro meses se esta se xerou na sua totalidade por traballo efectuado despois do retorno. As solicitudes poderán-se apresentar en calquer dos Rexistros ou oficinas ás que se refire o artigo 38 da Lei 30/1992 do 26 de Novembro e, en todo caso, nas Áreas e Dependencias Provinciais de Traballo e Asuntos Sociais das Delegacións ou Subdelegacións do Governo respectivamente, correspondentes ao domicílio da persoa solicitante ou, se é o caso nas Direccións Insulares. Documentación a apresentar As solicitudes de axudas apresentadas formularán-se no modelo oficial e acompañarán-se da seguinte documentación: a) Cópia compulsada do documento de identidade ou pasaporte en vigor. b) Certificación da condición de persoa emigrante retornada, emitida polas Áreas ou Dependéncias Provinciais de Traballo e Asuntos Sociais das Delegacións ou Subdelegacións do Goberno, respectivamente, correspondentes ao domicílio da persoa solicitante. No seu defeito, aportará-se calquer outro documento que acredite a data do retorno definitivo ao Estado español. c) Xustificantes de ter traballado no exterior durante un período mínimo dun ano, desde a última saída ao Estado español, a sua data acreditará-se mediante o pasaporte español onde figure ese dato ou por calquer outro meio de proba admitido en Direito. Os documentos laborais que non sexan oficiais deberán vir adverados, respeito do seu contido, pola Consellaria Laboral e de Asuntos Sociais ou outra autoridade española no exterior. d) Certificado da oficina de emprego onde conste que a persoa solicitante se encontra inscrita como demandante de emprego ou estivo durante os seis meses imediatamente anteriores á solicitude. e) Cando a solicitude se formule como sócio/a dunha Cooperativa de Traballo Asociado ou Sociedade Anónima Laboral apresentarán-se os estatutos de constitución e a certificación de inscrición nos Rexistros públicos correspondentes asi como a certificación da condición de sócio/a da persoa solicitante. f) Proxecto de investimento indicando os obxectivos e a contia asi como o plano da sua viabilidade económica técnica e financeira. g) Se é o caso, documentación acreditativa da compravenda ou arrendamento de locais ou meio co que se vaia a realizar a actividade. h) Alta no réxime xeral da Seguridade Social ou no especial de traballadores autónomos asi como a alta no imposto de actividades económicas.

3. Axudas para o desenvolvimento de accións de información sócio-laboral e orientación en favor das persoas emigrantes retornadas

Obxecto Accións de información sociolaboral, orientación e asesoramento encamiñadas a facilitar a inserción no mercado de traballo ou a promoción profisional das persoas emigrantes retornadas do Estado español. Persoas beneficiárias Poderán solicitar estas axudas as institucións ou entidades do estado español ou estranxeiras públicas ou privadas radicadas no Estado español que desenvolven actividades de información, asesoramento e orientación sóciolaboral en favor de emigrantes retornados do Estado español. Contia Subvención variábel segundo o interese e as características do Proxecto. Requisitos As accións a emprender deben axeitar-se a algun dos tipos seguintes: Actividades de información, asesoramento e orientación, asi como elaboración de material audiovisual sobre información profisional e asesoramento individual ou de grupo. Actividades de asesoramento sociolaboral e información profisional dirixidas á criación de autoemprego. Prazo e lugar de apresentación de solicitudes As solicitudes destas axudas presentarán-se antes do 30 de abril de cada ano e diante de calquer dos Rexistros ou oficinas ás que se refire o artigo 38 da Lei 30/1992 do 26 de Novembro e, en todo caso, nas Áreas e Dependéncias Provinciais de Traballo e Asuntos Sociais das Delegacións ou Subdelegacións do Governo respectivamente, correspondentes ao domicílio da persoa solicitante ou, se é o caso, nas Direccións Insulares. Documentación a apresentar As solicitudes destas axudas, apresentarán-se en modelo oficial, debendo ir acompañadas da seguinte documentación: a) Cópia compulsada do Documento de Identidade ou pasaporte en vigor da persoa representante legal ou apoderada da entidade, asi como o documento que acredite a sua capacidade legal para representar, solicitar e receber a axuda en nome da entidade. b) Cópia compulsada da tarxeta de identificación fiscal da mesma. c) Documento acreditativo de que a entidade solicitante se encontra legalmente constituida e inscrita no Rexistro administrativo correspondente, agás que se trate dunha organización sindical, neste caso abondará con achegar certificación da oficina pública correspondente que acredite a apresentación dos estatutos da organización. d) Documentación acreditativa de que a entidade está ao corrente das obrigas tributárias e da Seguridade Social durante os doce meses imediatamente anteriores á data de apresentación da solicitude. e) Se a entidade solicitante estivese isenta do cumprimento destas obrigas, deberá-se apresentar declaración da persoa representante da mesma, na que conste esta circunstáncia, asi como as certificacións administrativas correspondentes referidas á falta de constáncia da entidade nos respectivos rexistros de contribuintes da Facenda Pública e de afiliados e en alta na Seguridade Social. f) Xustificantes, se é o caso, da percepción doutras axudas recoñecidas para a mesma finalidade por entidades públicas ou privadas con indicación da sua contia. g) Descrición polo miúdo do Proxecto ou actividades a realizar e, se é o caso, valoración do seu impacto no emprego. h) Orzamento polo miúdo do Proxecto. Non será necesário presentar os documentos exixidos nas letras a) e c) deste apartado cando os mesmos non sofresen modificación e xa estiveran en poder do órgano administrativo que debe resolver o expediente, sempre que asi se faga constar na solicitude.

4. Axudas destinadas a promover a participación das persoas emigrantes retornadas en programas de formación profisional de carácter ocupacional

Obxecto Propiciar a participación de emigrantes retornados do Estado español en actividades de preformación e formación profisional que teñan por obxecto facilitar a sua inserción no mercado de traballo ou a sua promoción profisional. Persoas beneficiárias Poderán solicitar estas axudas as persoas emigrantes retornadas e os familiares ao seu cargo en idade de formación profisional ou laboral, entendendo-se por familiares a cargo os unidos á persoa emigrante retornada por matrimónio ou parentesco, por consanguinidade ou afinidade até o segundo grao ou por adopción. Asi mesmo poderán solicitá-las as entidades españolas ou estranxeiras públicas ou privadas que teñan por obxecto as actividades sinaladas no ponto anterior. Contia A contia será variábel, segundo o custo da acción. Cando as accións que se realicen por entidades asi o requiran, a Dirección Xeral de Ordenación das Migracións poderá estipular a parte da axuda que se destina ás persoas participantes. Neste caso, a percepción da axuda será incompatíbel coa prestación por desemprego. Requisitos Para a solicitude destas axudas requere-se que as accións a desenvolver se encadren nalgún dos seguintes tipos: Accións de formación profisional ocupacional. Accións de especialización ou complementárias de carácter xeral. Programas de preformación para obter os coñecimentos básicos para aceder á formación profisional. Programas de formación profisional en clara conexión co emprego. Lugar e prazo de apresentación de solicitudes As solicitudes destas axudas apresentarán-se antes do 30 de abril de cada ano e diante de calquera dos Rexistros ou oficinas ás que se refire o artigo 38 da Lei 30/1992 do 26 de Novembro e, en todo caso, nas Áreas e Dependéncias Provinciais de Traballo e Asuntos Sociais das Delegacións ou Subdelegacións do Governo respectivamente, correspondentes ao domicílio da persoa solicitante ou, se é o caso nas Direccións Insulares. Documentación a apresentar As solicitudes formularán-se no modelo oficial acompañado da seguinte documentación: 1. Cando as solicitudes se formulen por persoas físicas: a) Cópia compulsada do Documento de Identidade ou pasaporte en vigor da persoa solicitante. b) Cando a solicitude se formule por unha persoa emigrante retornada ou familiar desta, certificado de emigrante retornado. c) Cando a solicitude se formule por familiares da persoa emigrante, documento acreditativo do parentesco con ela e acreditación de que o familiar se encontra a cargo da persoa emigrante. d) Descrición dos cursos a realizar e orzamento polo miúdo dos mesmos, asi como xustificante de ter abonada a matrícula correspondente. Se o xustificante do aboamento da matrícula non se apresentase xunto á solicitude, deberá-se achegar, en todo caso, antes do pagamento da axuda. Xustificantes, se é o caso, da percepción doutras axudas recoñecidas para a mesma finalidade por entidades públicas ou privadas con indicación da sua contia. 2. Cando as solicitudes se formulen por persoas xurídicas: a) Cópia compulsada do Documento de Identidade ou pasaporte en vigor da persoa representante legal ou apoderada da entidade, asi como documento que acredite a sua capacidade legal para representar, solicitar e receber a axuda en nome da entidade. b) Cópia compulsada da tarxeta de identificación fiscal da mesma. c) Documento acreditativo de que a entidade solicitante se encontra legalmente constituída e inscrita no Rexistro administrativo correspondente, agás que se trate dunha organización sindical, neste caso abondará con aportar certificación da oficina pública correspondente que acredite a apresentación dos estatutos da organización. d) Documentación acreditativa de que a entidade está ao corrente das obrigas tributárias e da Seguridade Social durante os doce meses imediatamente anteriores á data de apresentación da solicitude. Se a entidade solicitante estivese exenta do cumprimento destas obrigas, deberá apresentar declaración da persoa representante da entidade, na que conste esa circunstáncia, asi como as certificacións administrativas correspondentes referidas á falta de constáncia da entidade nos respectivos Rexistros de contribuíntes da Facenda Pública e de afiliados e en alta na Seguridade Social. e) Xustificantes, se é o caso, da percepción doutras axudas recoñecidas para a mesma finalidade por entidades públicas ou privadas con indicación da sua contia. f) Descrición miuciosa do Proxecto, especificando-se en todo caso o número de cursos ou actividades que se pretendan realizar, e se é o caso, a valoración do seu impacto no emprego. g) Orzamento polo miúdo do Proxecto. Non será necesário apresentar os documentos exixidos nas letras a) e c) deste apartado cando os mesmos non sofresen modificación e xa estiveran en poder do órgao administrativo que debe resolver o expediente, sempre que asi se faga constar na própria solicitude.

5. Outras axudas de apoio á criación de emprego

Existen outra série de axudas para fomentar o emprego autónomo e a formación de cooperativas e sociedades anónimas laborais que xestionan e conceden tanto a Administración Xeral do Estado como as Administracións das Comunidades Autónomas. Estas axudas, aínda que non son específicas para emigrantes retornados, tamén as poden solicitar. Consisten nunha série de subvencións en conceito de: Rendas de subsisténcia. Apoio á criación de novas actividades empresariais. Redución do principal ou dos intereses dos créditos outorgados polas entidades de crédito. Asisténcia técnica e formación profisional ou empresarial. Solicitudes Apresentarán-se diante das Oficinas de Emprego se se trata de autoemprego, e, nos demais casos, nas Consellarias Sectoriais nas Comunidades Autónomas (ver Anexo II). Nestes Organismos poderá-se solicitar máis información sobre este tipo de axudas. Lexislación Orde do 21 de febreiro de 1986 (BOE do 27 de febreiro); Lexislación específica das Comunidades Autónomas.

Confederación Intersindical Galega www.galizacig.com ÚLTIMA REVISIÓN: 27/01/2001