 |
|
| 08/03/2008 |
Mantiveron unha folga de 60 días no Concello
de Compostela até acadar a dignificación das súas condicións laborais
A CIG outorga o Premio do Día da Muller Traballadora ás traballadoras
de ISS Facility Services
A Secretaría da Muller da CIG
vén de conceder o premio do Día da Muller Traballadora, na súa II Edición, ás
traballadoras de ISS Facility Services -empresa concesionaria do servizo de limpeza do Concello de Santiago de
Compostela-, que protagonizaron unha folga de tres meses de duración. |
CIG-Banca denuncia discriminación na carreira
profesional e nos salarios
Estudo
da situación da muller nas Caixas de Aforros galegas
Ante a conmemoración do Día
da Muller Traballadora, a Federación de Banca e Aforro da CIG elaborou un estudo sobre a situación
das mulleres nas Caixas de Aforros galegas do que se desprende unha clara discriminación no que respecta
á carreira profesional e polo tanto nos salarios. |
|
| 07/03/2008 |
Como recoñecemento na loita por dignificar
as condicións socio-laborais e salariais das mulleres
A Secretaría da Muller da CIG entrega o II Premio do Día da Muller
Traballadora
A Secretaría da Muller da CIG
celebra hoxe, 7 de marzo, a II Edición do Premio do Día da Muller Traballadora, concibido como un
recoñecemento a aquel conflito protagonizado por mulleres na loita por dignificar as súas condicións
socio-laborais e salariais. |
|
| 06/03/2008 |
A mostra poderá visitarse no Fórum
Metropolitano de A Coruña até o 10 de marzo
A
CIG inaugura a exposición “Mulleres no sindicalismo nacionalista da Galiza”
A Secretaría Confederal da Muller
da CIG organiza a exposición “Mulleres no sindicalismo nacionalista da Galiza”, que se inaugurou o mércores
5 de marzo no Fórum Metropolitano de A Coruña. A mostra poderá visitarse até o día
10 do mesmo mes. |
|
| 04/03/2008 |
Malia ser a maioría de docentes mulleres,
segue a haber máis cargos directivos homes
A
CIG demanda da Consellaría de Educación a elaboración dun Plan de Igualdade no Ensino
Anxo Louzao e Dores Fernández,
secretarios nacional e da Muller de CIG-Ensino, presentaron un estudo que evidencia a baixa presenza das mulleres
na dirección dos centros educativos malia ser maioría no profesorado. Por iso, CIG-Ensino demanda
da Consellaría de Educación que se elabore un Plan de Igualdade para o Ensino. |
|
| 01/03/2008 |
8 de marzo, Día da Muller Traballadora
Loitando
contra a dobre presenza: dobre loita, dobre resposta
A Secretaría da Muller da CIG
vén de presentar a súa campaña para este 8 de marzo, Día da Muller Traballadora, baixo
o lema “Loitando contra a dobre presenza: Dobre loita, dobre resposta”. Unha campaña que, alén de
denunciar as condicións laborais ás que se enfronta a muller galega, alerta das graves repercusión
que, para a súa saúde ten a dificultade de conciliar a vida laboral e familiar. |
VI Xornadas da Muller
Unha
reflexión sobre a prevención da violencia sexista desde a educación
No marco das VI Xornadas da Muller,
organizadas pola AS-PG e a CIG-Ensino (coa colaboración da Deputación de A Coruña e da
Obra Social de Caixa Galicia) máis de media ducia de investigadoras/es achegan experiencias sobre a prevención
da violencia sexista nas aulas. |
|
| 05/12/2007 |
O encontro versou sobre a situación da muller
traballadora no continente
A CIG participa en Barcelona na reunión da sección europea da FSM
Corenta delegacións participaron
na reunión organizada pola sección europea da Federación Sindical Mundial (FSM), que se celebrou
en Barcelona os días 23 e 24 de novembro. Xesús Ramón González Boán e Mari Carme
López Santamariña representaron a CIG no evento. |
|
| 23/11/2007 |
Sindicalismo feminino
Comezan
os XII Encontros Sindicais da Muller en Vigo
Desde as nove da mañá,
mulleres participantes das centrais sindicais comezaban unhas xornadas de traballo que xa son habituais ano pos
ano na Comarca de Vigo. E é que daban comezo os XII Encontros Sindicais da Muller que este ano levaban por
título “Sindicalismo feminino, logros e retos”. |
|
| 22/11/2007 |
Campaña nacional da CIG con motivo do 25
de Novembro
Rematar
co machismo é tarefa de homes e mulleres
A Secretaría da Muller da CIG
presentou a campaña nacional do 25 de Novembro, Día Internacional contra a Violencia sobre as Mulleres,
baixo o lema “Párao, denuncia, actúa; rematar co machismo é tarefa de homes e mulleres”. A
central deu a coñecer tamén a “Guía dos dereitos das mulleres vítimas de violencia
de xénero”, elaborada polo sindicato en colaboración coa Xunta. |
|
| 10/11/2007 |
Celebraranse en Vigo o próximo 22 e 23 de
novembro
XII
Encontros Sindicais da Muller
Baixo o título “Sindicalismo
feminino: logros e retos” terá lugar a XII edición dos Encontros Sindicais da Muller, xornadas nas
que se avalía desde unha perspectiva de xénero a participación das mulleres na actividade
sindical. Serán o próximo 22 e 23 de novembro no Hotel Coia de Vigo. |
|
| 09/10/2007 |
Trata de forma específica os factores que
determinan a seguridade e saúde das mulleres no traballo
A
Secretaría da Muller da CIG edita unha “Guía de saúde laboral desde unha perspectiva de xénero”
A Secretaría da Muller da CIG
vén de editar unha Guía de saúde laboral na que se tratan de forma específica os factores
que determinan a seguridade e saúde das mulleres no traballo. Factores insuficientemente abordados en estudos,
estatísticas e na negociación colectiva que pretenden ser atendidos agora a través desta guía. |
|
| 25/09/2007 |
Foron organizadas pola CIG da Comarca de Vigo
Máis
de 100 persoas enchen o aforo das Xornadas sobre Conciliación e Igualdade no marco laboral
O venres 21 a sala de conferencias do
Centro Social Caixanova de Vigo acollía as Xornadas sobre o novo panorama que se abre en cuestión
de xénero despois dos cambios nas leis galegas e españolas. Debate, alto interese das ponencias e
moi boa participación foron as notas dominantes neste encontro. |
|
| 19/09/2007 |
Oitenta delegacións de todo o Planeta participaron
en Bruxelas neste encontro organizado pola Federación Sindical Mundial
A
CIG estivo presente na Conferencia Internacional Sindical sobre a Muller
A secretaria confederal da Muller, María
do Carme López Santamariña, interveu en representación da CIG na Conferencia Internacional
Sindical sobre a Muller traballadora que se celebrou o 13 e 14 de setembro en Bruxelas, baixo o lema “Mesmos dereitos
no traballo e na sociedade!”. |
|
| 15/09/2007 |
Defende a súa concesión cun criterio
redistributivo para favorecer ás rendas máis baixas
A
CIG considera que a axuda de 2.500 euros por nacemento ou adopción é electoralista
O 17 de setembro remata o prazo de presentación
de emendas ao proxecto de Lei do Goberno de Zapatero polo que se estabelece a dedución por nacemento ou
adopción de 2.500 euros para a nai, nun pagamento único. Un proxecto que para a CIG é basicamente
electoralista e non garante, como se pretende xustificar, o fomento á natalidade. |
|
| 04/09/2007 |
O 21 de setembro desde as nove da mañá
Xornadas
de conciliación e igualdade laboral no marco da Comarca de Vigo
A CIG da Comarca de Vigo, entidade socia
da agrupación de desenvolvemento do proxecto Equal Conta con elas, organiza para o vindeiro venres 21 de
setembro unha xornada de formación sobre o novo panorama laboral que se abre en cuestión de xénero
despois das mudanzas normativas a nivel estatal e galego. |
|
| 13/07/2007 |
Lamenta que as mulleres non teñan dereito
a elas
A
CIG avalía positivamente as axudas á redución de xornada de traballo para fomentar a corresponsabilidade
Desde a Secretaría Confederal
da Muller e Servizos Sociais da CIG achegan unha serie de consideracións en relación ás axudas
á redución de xornada de traballo como medida de fomento da corresponsabilidade convocadas pola Vicepresidencia
da Igualdade e do Benestar da Xunta de Galiza. |
|
| 06/07/2007 |
Valoración da Secretaría Confederal
da Muller da CIG
2.500
euros por cada novo fillo/a, a demagoxia do regalo en efectivo
Valoración da Secretaría
Confederal da Muller da CIG respecto da medida anunciada polo presidente do Goberno do Estado español, José
Luís Rodríguez Zapatero, durante a primeira sesión do debate do estado da nación española,
de dar unha axuda de 2.500 euros por filla ou fillo nacido a partir do 3 de xullo de 2007. |
|
| 20/06/2007 |
María do Carme López Santamariña,
nova secretaria confederal de Muller e Servizos Sociais da CIG:
“É
necesario que o nivel de afiliación feminina se reflicta na representatividade das mulleres nos órganos
da CIG”
María do Carme López Santamariña
asumiu hai días a Secretaría Confederal de Muller e Servizos Sociais logo da reestruturación
da Executiva Confederal da CIG, que se produciu trala marcha de Fermín Paz Lamigueiro, substituído
á fronte da Secretaría Confederal de Servizos e Afiliación por Elvira Patiño, anterior
responsábel de Muller da central. |
|
| 19/06/2007 |
Substitúe a Fermín Paz, que causou
baixa por motivos de saúde
Incorpórase
á Executiva Confederal da CIG María do Carme López Santamariña
O luns 11 de xuño, fíxose
efectiva a substitución de Fermín Paz Lamigueiro, secretario confederal de Servizos e Afiliación,
por María do Carme López Santamariña. A Executiva Confederal acordou que Elvira Patiño
Ogea asuma a secretaría que, por motivos de Saúde, tivo que deixar Paz Lamigueiro, e que López
Santamariña se ocupe da de Muller e Servizos Sociais. |
A Administración dispón de mecanismos
para facilitar que se realicen as probas
Demandan
do SERGAS que posibilite examinarse a unha embarazada co parto previsto na data da convocatoria
A Secretaría Confederal da Muller
da CIG e a CIG-Saúde veñen de denunciar a discriminación dunha muller preñada á
que non se lle garante a posibilidade de realizar as probas de oposición ao SERGAS ao coincidir a data do
parto coa data na que están convocadas as probas. |
|
| 18/04/2007 |
Considera que algúns dos aspectos quédanse
en simples declaracións de intencións
A Secretaría da Muller da CIG presenta a súa valoración da
Lei do Traballo en Igualdade das Mulleres en Galiza
A Secretaría da Muller da CIG
vén de elaborar un informe no que se fai unha exhaustiva valoración a respecto dos distintos aspectos
da Lei do Traballo en Igualdade das Mulleres en Galiza. |
|
| 04/04/2007 |
Tamén, até o 15 de abril, o das escolas
infantís
Aberto o prazo para solicitar axudas por filla ou fillo menor ao cargo
A secretaria confederal da Muller da
CIG, Elvira Patiño, informa de que no DOG de 3 de abril aparece publicada a Orde do 27/03/2007 pola que
se establecen as bases polas que se rexerá a concesión da prestación económica de pagamento
único por fillo/a menor de tres anos para o ano 2007. |
|
| 20/03/2007 |
Recoñece expresamente aos Comités
de Empresa competencias en tema de igualdade por mor de xénero
Lei
Orgánica de Igualdade entre Mulleres e Homes
Desde a Secretaría Confederal
da Muller da Confederación Intersindical Galega achegan unha serie de consideracións en relación
á Lei Orgánica de Igualdade entre Mulleres e Homes do Estado español, aprobada no día
15 de marzo de 2007 no pleno do Congreso e pendente da súa publicación no Boletín Oficial
do Estado. |
|
| 09/03/2007 |
Conmemórase o 8 de Marzo con concentracións
e asembleas en toda Galiza
A
CIG defende a negociación colectiva como principal ferramenta para dignificar as condicións laborais
A CIG celebrou actos en todo o país
con motivo do Día da Muller Traballadora e como preludio do Día da Clase Obreira Galega. Vigo acolleu
o acto máis numeroso, cunha grande asemblea e unha manifestación de máis de 500 persoas, e
o resto das comarcas conmemoraron esta data tamén con asembleas, concentracións e repartos de panfletos
nas propias empresas. |
O médico empurrou violentamente unha muller
na concentración do 8 de Marzo que, ao caer, bateu fortemente coa cabeza no chan
A
CIG denuncia ao doctor Bayo de Enrique por agresión a unha muller e por omisión do deber de auxilio
Elvira Patiño, secretaria confederal
da Muller, e Paulo Carril, secretario comarcal de A Coruña, denunciaron, en representación da CIG,
ao doctor José Ángel Bayo de Enrique, propietario da clínica xinecolóxica privada Arggora,
por agredir unha muller presente na concentración que organizou o sindicato nacionalista o 8 de marzo ás
portas deste centro e por omitir o seu deber de auxilio a unha persoa ferida. |
|
| 08/03/2007 |
22 paneis contra as discriminacións
Unha
exposición da Secretaría da Muller visibilizará nas rúas de Vigo a acción feminista
As mulleres da CIG pendurarán
decenas de paneis ao longo do percorrido da mobilización que este 8 de marzo terá lugar na cidade
de Vigo, despois dunha asemblea de delegadas e delegados na que se fará especial fincapé na importancia
da introdución das políticas de igualdade na negociación colectiva para combater a precariedade. |
Vén de sacar á rúa a publicación
“Recomendacións para o uso dunha linguaxe non sexista no ensino”
CIG-Ensino
aposta por avanzar na conciliación e na igualdade
“Avancemos na conciliación da
vida laboral e familiar” e “Avancemos na igualdade de oportunidades para as mulleres” son os lemas cos que CIG-Ensino
anima ás e aos docentes a celebrar o 8 de Marzo, Día Internacional da Muller Traballadora. |
|
| 07/03/2007 |
Muller, participa e loita!
Asembleas e concentracións en todas as comarcas os días 7 e 8 de marzo
A
CIG ten convocadas concentracións e asembleas de delegadas e delegados os días 7 e 8 de marzo en
todo o país, con motivo do Día Internacional da Muller Traballadora e como mobilizacións previas
ao Día da Clase Obreira Galega |
Elvira
Patiño, secretaria confederal de Muller e Servizos Sociais:
“A negociación colectiva é a mellor ferramenta que temos as traballadoras para fixar a igualdade”
A
participación activa das traballadoras na actividade sindical, como representantes do persoal nas empresas
e a negociación colectiva como instrumento para atinxir a igualdade entre xéneros son os aspectos
nos que incide a campaña da CIG do Día Internacional da Muller Traballadora. |
|
| 06/03/2007 |
Muller,
participa e loita!
8 de Marzo, Día Internacional da Muller
A
Secretaría da Muller da CIG conmemora este ano o Día Internacional da Muller baixo o lema “Muller,
participa e loita!”. Un lema co que se quere facer unha chamada ás traballadoras para que se impliquen na
loita pola mellora das súas condicións laborais e sociais. |
8 de Marzo, Día da Muller Traballadora
A taxa de temporalidade da muller acadou o 38,6% en 2006
A Secretaría da Muller da CIG vén de presentar os resultados do
traballo “Situación sociolaboral da muller en Galiza”, un estudio realizado polo gabinete de Economía
do que se tiran datos alarmantes: no ano 2006, a temporalidade entre as mulleres incrementouse de media en case
dous puntos. |
|
| 19/02/2007 |
Elena
Reynaga, secretaria xeral de AMMAR:
“Queremos ser recoñecidas como traballadoras sexuais cos mesmos dereitos e deberes que o resto”
Elena
Reynaga, secretaria xeral de AMMAR, secretaria executiva de Redtrasex e secretaria de Actas da Mesa Nacional Executiva
da CTA participou o 8 de febreiro nunha charla-coloquio organizada pola Secretaría da Muller da CIG. Reynaga
visitou Galiza convidada pola Federación Galega de Asociacións de Emigrantes Fillos do Mundo. |
|
| 26/12/2006 |
Xornadas
da Secretaría da Muller da CIG sobre Negociación Colectiva e a Lei Orgánica de Igualdade
A Secretaría da Muller da CIG vén de celebrar unhas xornadas
nas que se analizou a forma de aplicación na Negociación Colectiva da Lei Orgánica de Igualdade
entre Homes e Mulleres. A secretaria confederal de Muller e Servizos Sociais, Elvira Patiño, salientou a
importancia de que as delegadas/os estean preparadas para que cando se aplique a Lei sexan quen de negociar coa
empresa e pór en marcha un Plan de Igualdade. |
|
| 14/12/2006 |
Martes día 19 de decembro en Compostela
Xornadas da Secretaría da Muller da CIG sobre a Negociación Colectiva e a Lei de Igualdade
O próximo martes día 19 de decembro terán lugar no Hotel
Congreso, en Compostela, as xornadas organizadas pola Secretaría da Muller da CIG sobre Negociación
Colectiva e a Lei Orgánica de Igualdade entre Homes e Mulleres |
|
| 08/11/2006 |
O
Parlamento aproba incorporar a perspectiva de xénero no Plano de Prevención de Riscos Laborais
O
Parlamento de Galiza vén de aprobar por unanimidade a proposta do BNG de instar ao Goberno galego a seguir
incorporando “de maneira efectiva e inmediata” a perspectiva de xénero, tal e como estaba previsto no Plano
estratéxico de Prevención de Riscos Laborais |
Organizado polas Secretarías da Muller da CIG, CCOO e UGT coa colaboración
do Concello
XI Encontro Sindical da Muller “Camiñar pola igualdade” o 9 e 10 de novembro en Vigo
As xornadas “Camiñar pola igualdade” do XI Encontro Sindical da Muller
terán lugar no Hotel Coia de Vigo o xoves 9 de novembro, de 9:30 a 19:00 horas, e o venres 10, de 9:30 a
14:30. Organizan as Secretarías da Muller de CCOO, UGT e CIG, e colabora a Concellaría da Muller |
|
| 06/10/2006 |
Satisfacción
pola setenza do TC de non considerar a gravidez enfermidade discapacitante
A Secretaría Confederal da Muller da Confederación Intersindical
Galega vén de amosar a súa boa acollida da sentenza do Tribunal Constitucional quen acaba de sinalar
que existiu discriminación por sexo por parte do INEM ao deixar de enviar ofertas de emprego a unha nai
en paro mentres durou o permiso por maternidade |
|
| 03/10/2006 |
A Secretaría Confederal da Muller da CIG rechaza con rotundidade a sinatura
do acordo entre CCOO, UGT, patronal e goberno
Na Reforma da Seguridade Social non se tivo en conta a situación de desigualdade
que sufren as mulleres
Desde unha perspectiva de xénero, a CIG rechaza con rotundidade a sinatura
do acordo para a Reforma da Seguridade Social pactado entre CCOO, UGT, patronal e goberno, no que non se tivo en
conta a situación de desigualdade que sofren as mulleres |
|
| 27/04/2006 |
Valoración
da CIG do Anteproxecto de Lei de Igualdade entre Mulleres e Homes
O mércores 26 de abril entraba a debate para o seu posterior ditame no
pleno do Consello Económico e Social o do Estado español o Anteproxecto de Lei de Igualdade entre
Homes e Mulleres. A Secretaría da Muller e o Gabinete Técnico da CIG fan públicas as súas
valoracións ao respecto |
|
| 10/03/2006 |
As
mulleres da CIG de Vigo celebran o 8 de marzo
As
delegadas sindicais da CIG xunto con algúns compañeiros do sindicato levaron a cabo a marcha de “nomes
de profesións en feminino e masculino” prevista para o día 8 de marzo, Día da Muller Traballadora,
desde o local da CIG ata a Porta do Sol de Vigo |
|
| 08/03/2006 |
O acto reivindicativo comezará ás 11 da mañá, no marco
da campaña “Nomear en feminino evita discriminacións no traballo”
A CIG celebrará o 8 de marzo en Vigo cunha marcha de “nomes de profesións en feminino e masculino”
A Secretaría de Muller e Servizos Sociais da CIG ten previsto celebrar
o Día da Muller Traballadora na Comarca de Vigo cunha asemblea de delegadas e delegados e un acto reivindicativo
consistente nunha marcha polas rúas da cidade na que as e os manifestantes portarán carteis con nomes
de profesións en feminino e masculino |
|
| 07/03/2006 |
Informe
“A muller no mercado laboral 2005”
A precariedade laboral afecta gravemente
ás galegas, maioritariamente con contratos temporais
  Dos
parados que levan máis de dous anos desempregados o 70,4% son mulleres
Contratos
temporais, maioritariamente no sector servizos, a media xornada e cunha alta rotación no emprego son características
da situación laboral na que se atopan a maioría das mulleres. Un 40% leva máis dun ano no
paro e representan o 70,4% dos parados que levan máis de dous ano no paro |
|
| 03/03/2006 |
8
de Marzo, Día da Muller Traballadora
Nomear en feminino evita discriminacións no traballo
A
Confederación Intersindical Galega pretende coa campaña “Nomear en feminino evita discriminacións
no traballo” difundir o emprego dunha linguaxe con perspectiva de xénero. Un dos aspectos máis importantes
na loita pola igualdade real entre mulleres e homes pasa por poñer fin ao uso sexista da lingua, que non
só reflexa a desigualdade entre os sexos, senón que contribúe en gran medida a reforzar esta
situación. |
 Guía de linguaxe non sexista
A
lingua non é sexista, pero si o uso que dela facemos. A linguaxe é o medio a través do cal
nos comunicamos, polo tanto reflicte o pensamento colectivo e con el estamos a transmitir unha gran parte da formar
de pensar, sentir e actuar de cada sociedade. |
|
| 22/02/2006 |
Xornada
da CIG no Día da Muller Traballadora
Con motivo da celebración do Día Internacional da Muller Traballadora,
a CIG celebrará un Acto Nacional o día 7 de marzo que consistirá nunha Xornada promovida pola
Secretaría Confederal da Muller, Servizos Sociais e Medio Ambiente, “dirixida a 25 compañeiras e
compañeiros de todas as Comarcas da Confederación, especialmente a quen teñan responsabilidades
en negociación colectiva”. |
|
| 19/01/2006 |
A secretaria confederal da Muller remitiu un escrito á Secretaría
Xeral de Igualdade da Xunta coa proposta
A CIG solicita a modificación e mellora da Lei para a Igualdade de mulleres e homes en Galiza
A secretaria confederal da Muller, Servizos Sociais e Medio Ambiente
da CIG, Elvira Patiño, vén de remitir unha carta a Carme Adán Vilamarín para que a
Secretaría Xeral da Igualdade da Xunta de Galiza impulse a modificación e mellora da actual Lei para
a Igualdade de mulleres e homes en Galiza |
|
| 10/03/2005 |
III
Xornadas sobre Muller e Traballo
Acoso laboral e precariedade feminina
A
Secretaría da Muller da CIG convoca para o venres 11 de marzo, no Hotel Congreso de Santiago de Compostela,
as III Xornadas sobre Muller e Traballo, baixo o título Acoso laboral e precariedade feminina |
|
| 09/03/2005 |
Día Internacional da Muller Traballadora en Pontevedra
Concentración en apoio aos catro sindicalistas por participar na folga de La Unión
A Secretaría da Muller da CIG de Pontevedra celebrou a concentración
do 8 de marzo diante do Xulgado, baixo o lema “en defensa das liberdades, non á represión” para manifestar
o seu apoio aos compañeiros que estaban sendo xulgados pola súa participación en 2001 na folga
de Transportes La Unión |
|
| 08/03/2005 |
8
de Marzo, Día da Muller Traballadora
Emprego e oportunidades para as mulleres
Dos
datos facilitados polo Instituto Galego de Estatística, a través da Enquisa de Poboación Activa,
temos que subliñar, un ano máis, o dato da inactividade das mulleres, superior en 20 puntos ao dos
homes. Os datos reflicten que a taxa de actividade dos homes é dun 63,8% e a das mulleres un 45,5%. É
dicir, hai un 55,5% de mulleres inactivas fronte a un 36,2% de homes |
Situación
laboral da muller en Caixa Galicia
A Sección Sindical da CIG en Caixa Galicia vén de facer público
un informe no que analiza a situación da muller dentro da empresa e a súa inserción na carreira
profesional creada no Convenio de Aforro 2003-2006 |
|
| 07/03/2005 |
Entrevista
a Elvira Patiño
As mulleres acceden a contratos a tempo parcial como única opción para conseguiren un posto de traballo
O
próximo 8 de marzo celébrase o “Día da Muller Traballadora”. Con motivo desta data a Secretaría
da Muller da CIG pon en marcha unha campaña baixo o lema “Emprego e oportunidades para as mulleres”. Elvira
Patiño, secretaria da Muller, explica cal é a situación laboral na que se atopan as galegas. |
|
| 04/03/2005 |
Tan só o 45,5% das mulleres galegas con máis de 16 anos están
traballando ou engrosando as listas do INEM
A CIG demanda servizos sociais para facilitar a inserción laboral da muller en Galiza
A Secretaría da Muller da Confederación Intersindical Galega demandou,
en rolda de prensa, “servizos sociais que protexan e permitan a conciliación da vida laboral e familiar”
para favorecer a inserción laboral das mulleres en Galiza |
Globomedia
recoñece que o tratamento á muller en “Los Serrano” foi “inadecuado”
A directora de Comunicacións e Relacións Institucionais de Globomedia,
produtora que realiza para Tele 5 a serie “Los Serrano”, vén de remitir unha carta á secretaria da
Muller da CIG, Elvira Patiño, na que recoñece que “o tratamento do personaxe de Lola foi inadecuado” |
As asistentes debateron sobre os métodos para abordar no ensino a violencia
de xénero
Conclúese que a escola é fundamental na transmisión de valores nas III Xornadas da Muller
A importancia da escola é fundamental na socialización e na transmisión
de valores, sen esquecer a familia e os medios de comunicación. Pero é a escola, se cadra, a que
ten que asumir a responsabilidade da necesidade de formar en valores de igualdade, respecto e solidariedade |
|
| 03/03/2005 |
A
CIG considera insultante o tratamento que se lle dá á muller galega na serie de Tele 5 “Los Serrano”
A secretaría da Muller da CIG considera insultante, discriminatorio e vexatorio
o tratamento que se lle dá á muller, e nomeadamente á muller galega, na serie de Tele 5 “Los
Serrano”, e demanda que se mude a imaxe que se deu da galega que saíu no programa emitido o 23 de febreiro,
adicándolle un capítulo no que se rectifique |
|
| 25/11/2004 |
25/11, Día Internacional para a Eliminación da Violencia de Xénero
A violencia contra as mulleres afecta a todas as facetas da súa vida
Salarios máis baixos, contratos en precario, media xornada, economía
somerxida, incompatibilidade da vida laboral e familiar, ausencia de servizos públicos, malos tratos...
Estas son algunhas das manifestacións da violencia que a Secretaría da Muller da CIG considera que
sofren as mulleres |
|
| 20/11/2004 |
Campaña da Secretaría da Muller da CIG
25 de novembro: Día Internacional para a Eliminación da Violencia
de Xénero
A violencia contra as mulleres atópase en tódalas esferas da vida
e non podemos restrinxila aos malos tratos no ámbito do fogar. É un fenómeno social plasmado
nos diferentes ámbitos da vida, nas relacións sociais, laborais e persoais, nos medios de comunicación... |
|
| 10/11/2004 |
A
Secretaría da Muller da CIG analiza a Constitución Europea desde unha perspectiva de xénero
O xénero afecta transversalmente a todos e cada un dos feitos sociais,
polo que, de querermos realizar unha análise e avaliación ponderadas do Tratado Constitucional Europeo,
é básico ter moi en conta esta visión -a de xénero- como elemento estruturador do todo
o conxunto |
| |
|
|
