-Normalización Lingüística GalizaCIG-

“Asi como a Galiza dos traballadores sempre obedeceu âs verdades do sentimento, non podemos decir outro tanto dos que intentan rexir a cousa pública e mandar no povo, falando sempre en castelán, por ser a língoa soxuzgadora, e desprezando a língoa do povo que eles pretenden rexir.” (Castelao, Sempre en Galiza)

CIG-Normalización Servicio de Normalización Lingüística da CIG Desde marzo de 1995 existe CIG-Normalización, o servicio de normalización lingüística da central sindical, que depende directamente da Comisión Executiva Confederal, a través da secretaría nacional de servicios e acción social. As actuacións de CIG-Normalización atinxen á galeguización total das actividades da central, ao impulso do proceso normalizador no eido sociolaboral e finalmente á promoción do uso do galego no seo da sociedade. Realízanse tarefas de asesoramento lingüístico, corrección e traducción de textos, así como actividades e campañas para a extensión do uso social do idioma. A aparición da páxina web de CIG-Normalización –dentro do sitio web da Confederación–, alén de ir adecuando o funcionamento do servicio ás novas tecnoloxías da comunicación e a información, pretende mellorar a actuación e as prestacións que o dito servicio lle dá ao conxunto da afiliación da central.

Ficha departamento Responsábel técnico Rafa Villar Enderezo CIG-Normalización - Sede Central da CIG Miguel Ferro Caaveiro, 10 15703 - Santiago de Compostela Teléfono / Fax 981 564 300 / 981 571 082 Enderezo electrónico normaliza@galizacig.net

Confederación Intersindical Galega www.galizacig.com ÚLTIMA REVISIÓN: 18/11/2005