Actualidade 
Vigo, 21 de maio de 2003
Convenio de Aforro
Comunicado nº 4
Vai para longo
Na xuntanza da mesa negociadora do día 20 de maio, a ACARL continuou sen concretar as súas pretensións. Voltou repetir o seu discurso tremendista sobre a situación económica actual e manifestou que aínda había que agardar algún tempo para ir despexando algunhas incertezas, como por exemplo o IPC. Así mesmo, deixou dito:
- As demandas formuladas polos sindicatos, de cumprilas, non permitirían competir no mercado.
- Demandan unha clasificación profesional máis “fluída” que permita a multifuncionalidade (¿Aínda máis?).
- Concederían unha suba salarial, mais sempre a cambio de outras concesións.
- Están dispostos a unha negociación ampla, xa que retarda-los problemas actuais prexudicaría o futuro das caixas.
Dende a CIG manifestamos que o actual proceso de expansión das caixas, as súas crecentes inversións, incluso mercando bancos, indica unha boa saúde económica. É necesario pois, sen máis escusas, aborda-los problemas do sector, reflectidos na nosa plataforma. Entre outros: - Establecer unha carreira profesional, cunhas funcións concretas para cada categoría, atendendo ás necesidades do mercado, e cunha remuneración axeitada.
- Máis tempo libre, de cara á xornada de 35 horas, coas tardes dos xoves libres.
- Rematar coa discriminación actual que sofre o persoal de nova entrada, igualando o número de pagas a percibir.
- Crear emprego de calidade en resposta ó proceso de expansión actual, coa recuperación das oposicións, mediante fórmulas a negociar, como modo de ingreso nos cadros de persoal das caixas.
A vindeira xuntanza está prevista para o día 10 de xuño. Nela, a ACARL concretará as súas pretensións, segundo se comprometeu na mesa negociadora.
Galiza, 20 de maio de 2003.
|
