Actualidade Vigo, 26 de novembro de 2003 Convenio de Aforro Comunicado nº 11   CIG-Comunicación- cig.prensa@galizacig.com A Asemblea de delegados/as de Aforro dá un SI ao Preacordo pero con matices O día 25 novembro, os delegados/as do sector de aforro da CIG reunidos en Asemblea aprobaron un si crítico ao preacordo acadado o día 20. Este convenio, malia o ámbito estatal, representa o triunfo do noso modelo sindical, a reivindicación e a loita como medio de conquerir melloras tanxibles para os traballadores/as. Outro modelo de convenio é posible, podemos rachar coa dinámica de perdas na negociación colectiva para recuperar dereitos. Recuperamos parcialmente as pagas para o persoal de nova entrada. Este dereito fora inexplicablemente liquidado no Convenio 95-97. Créase unha carreira profesional. Os/as auxiliares compran o ascenso coa súa antigüidade, cámbianse trienios por salario base. Continuarán facendo o mesmo traballo que os antigos Oficiais Primeira e Superiores, recibindo menos salario. Pero reducimos a fenda que os separaba. Agora queda o máis difícil: redactar o texto definitivo e posteriormente negociar a aplicación do mesmo en cada unha das empresas. Hai que renegociar practicamente tódolos acordos existentes a nivel de empresa. Mais o Convenio ten puntos "negros" dos que os demais sindicatos no seu triunfalismo non queren falar. A antigüidade no sector queda seriamente tocada. Xa non é un dereito de todo o persoal. Por outra banda os novos apoderados/as terán salarios máis baixos. En vindeiras datas convocaremos asembleas de traballadores/as co fin de explicarvos a aplicación do mesmo e para facervos co-partícipes da nosa decisión final de asinar o Convenio definitivo. En resume: O preacordo recolle parte das reivindicacións da CIG para os colectivos menos beneficiados. Este convenio representa o triunfo dun modelo sindical baseado na reivindicación e na loita sindical. Outro modelo de Convenio é posible. Os auxiliares que reclamaron ante as empresas fixeron posible modificar unha situación inxusta. Convocaremos asembleas para explicar a aplicación e tomar unha decisión en común. Galiza, 25 de novembro de 2003. Imprime e difunde.

Confederación Intersindical Galega www.galizacig.com ÚLTIMA REVISIÓN: 27/11/2003