Actualidade Vigo, 6 de marzo de 2004 Actos da Secretaría da Muller da CIG con motivo do 8 de Marzo, Día Internacional da Muller Traballadora   CIG-Comunicación- cig.prensa@galizacig.com   Cartaz da campaña do 8 de Marzo, Día da Muller Traballadora, cuio lema para o 2004 é: “Combate a precariedade laboral coa negociación colectiva”.   Con motivo da celebración do 8 de Marzo, Día Internacional da Muller Traballadora, a Secretaría da Muller da Confederación Intersindical Galega ten previsto a realización dos seguintes actos: Comarca de Lugo O día 8, farase o reparto do díptico editado pola Secretaría da Muller sobre Precariedade e Negociación Colectiva, a partires das 11 da mañá polas rúas céntricas da cidade. Comarca de Ferrol Os actos desenvolveranse o día 17, coa proxección dunha película con argumento relativo á precariedade, e posterior debate sobre a mesma, no local do sindicato. Comarca de Santiago Haberá unha concentración o propio día 8, ás 11 horas diante do Edificio da Xunta en San Caetano, na que se levará a cabo o reparto do díptico da Secretaría da Muller. Comarca de A Coruña Celebrarase unha Mesa Redonda o día 11 de marzo ás 19:00 horas, no salón de actos do sindicato, na 8º planta. Debaterase sobre a Precariedade Laboral e o Acoso no traballo. Intervirán Cristina Gómez, avogada do sindicato, e María Teresa Díaz, inspectora de traballo. Comarca de Pontevedra Haberá unha Asemblea de delegadas e delegados o día 8 de marzo ás 10:00 horas no local do Sindicato en Vilagarcía e a continuación se celebrará unha concentración na Praza de Galiza. Comarca de Vigo Celebrarase unha Asemblea de delegadas o día 8 de marzo ás 11:30 horas no Salón de Actos do Sindicato en Vigo, para explicar a campaña deste ano así como o Informe elaborado polo Gabinete Técnico da CIG, A muller galega no Mercado Laboral, ano 2003. Posteriormente se dirixirán cara á zona peonal do Calvario, para levar a cabo o reparto dos dípticos e información ás traballadoras dos comercios e demais empresas desa zona, concentrándose diante do Mercado do Calvario.

Confederación Intersindical Galega www.galizacig.com ÚLTIMA REVISIÓN: 06/03/2004 cig.informatica