Actualidade Vigo, 18 de novembro de 2004 Transposición das categorías de auxiliares e oficiais 2ª Próxima reunión da Comisión Mixta Interpretativa do Convenio de Aforro   CIG-Comunicación- cig.prensa@galizacig.com   “Que non recorten os teus dereitos” reclamaba este cartaz da campaña da CIG “Polo Convenio Galego de Caixas de Aforros”.   Como xa se anunciou en anteriores comunicados existe unha diferencia de criterio á hora de aplicar a transposición para o persoal con categoría de Auxiliar Administrativo A e Oficiais 2ª. As Caixas pretenden absorber os trienios máis antigos actualizados. Dende a CIG, se interpreta que deben ser absorbidos os trienios, segundo o valor xerado no seu día como establece o Convenio. É dicir segundo o importe do trienio no ano que se cumpriu e non segundo o valor a día de hoxe. Coa aplicación do convenio prevista polas Caixas de Aforros producirase en tódolos casos unha importante diminución no importe a percibir polo ascenso. Ante esta situación a CIG solicitou, como paso previo, que se reúna a Comisión Mixta Interpretativa que integran os asinantes do Convenio: ACARL en representación das empresas e CCOO, UGT e CSICA pola parte sindical. De xeito oficioso tense coñecemento de que a reunión terá lugar o vindeiro día 23 de novembro. ¿Que pode pasar na Comisión Mixta Interpretativa? Todo indica que as Caixas manterán a súa interpretación, xa que así o acordaron na ACARL. O resto dos sindicatos deberá tomar posición: • Se CCOO, UGT e CSICA apoian a interpretación máis beneficiosa para os traballadores/as, é dicir a que plantexa a CIG, non habería acordo na Comisión e polo tanto debería solicitarse unha arbitraxe. A arbitraxe consiste en procurar unha “persoa boa” que decida cal é a interpretación correcta. • Se pola contra, o resto das Centrais sindicais apoian a interpretación máis beneficiosa para as empresas, sería esta a que se aplicaría. Neste caso a CIG presentaría un Conflicto Colectivo na Audiencia Nacional. Sublíñase que aquí caben dúas interpretacións: unha máis beneficiosa para as empresas e outra máis beneficiosa para os traballadores/as. Cóntase con que o resto dos sindicatos de clase apoien ao persoal afectado; non podería ser doutro xeito.

Confederación Intersindical Galega www.galizacig.com ÚLTIMA REVISIÓN: 18/11/2004 cig.informatica