Actualidade A Coruña, 12 de setembro de 2007 Os traballadores reaccionan ante o despedimento dun compañeiro por parte da concesionaria, Setex Aparki O persoal do servizo municipal de guindastre de Vigo irá á folga   CIG-Comunicación- cig.prensa@galizacig.com   Setex Aparki SA é a empresa concesionaria do guindastre municipal vigués desde hai catro meses.   O persoal da empresa concesionaria do servizo municipal de guindastre do Concello de Vigo está chamado a secundar a folga que convocou a CIG a partir das 00:00 horas do 17 de setembro. Os traballadores esixen a readmisión do encargado que, despois de 15 anos de servizo, foi despedido de maneira improcedente. Os 34 empregados aprobaron en asemblea esixir a readmisión do compañeiro, cuxo contrato foi rescindido por Setex Aparki recoñecendo mesmo a improcedencia do despedimento. O xefe da Inspección de Traballo na provincia de Pontevedra, José Casas de Ron, mediará entre a empresa e a parte social nun acto que se celebrará o 12 de setembro. Setex Aparki SA é a empresa concesionaria do guindastre municipal vigués desde hai catro meses. Os tres delegados de persoal son da CIG e máis da metade do cadro de persoal está afiliado ao sindicato nacionalista.

Confederación Intersindical Galega www.galizacig.com ÚLTIMA REVISIÓN: 12/09/2007 cig.informatica

web-espello en www.galizacig.org e www.galizacig.net (mirrors) Para estar ao día da actualidade sindical en Galiza, subscríbete á lista de correo da CIG e recibe puntual notificación das novas informacións, artigos, documentos, publicacións, convenios colectivos... que ofrece a CIG na sua páxina web galizacig.com. Apúntate en: http://www.elistas.net/lista/galizacig/alta