|
Actualidade CIG-Comunicación-
«A socioloxía da educación trata de contextualizar a educación no seu contorno social, político e económico. Pretende rachar os límites físicos e institucionais da escola para debater de xeito crítico o marco no que se insire a reprodución de coñecementos e construción de valores nunha determinada sociedade. Neste caso estamos a situar nun espazo xeográfico concreto como é Galiza o exame das estruturas sociais e as relacións políticas e económicas vixentes desde unha perspectiva diacrónica, revisando o seu carácter histórico, máis tamén desde un punto de vista sincrónico, situando as dinámicas propias en relación co plano estatal e cos conflitos mundiais que repercuten directa ou indirectamente tanto na socialización do alumnado como na conformación dos valores e actitudes do profesorado, que terán a responsabilidade de intervir no proceso educativo desde unha posición determinada, isto é, que non sexa aséptica nin neutral, mais que se abra á busca da verdade e obxectividade a través do respecto das distintas opinións e do debate das diferentes ideas. Hoxe en día, os axentes do proceso educativo están bombardeados continuamente a través duns medios de comunicación que empregan efectos emocionais de impacto instantáneo así como de borrado inmediato de información con seguinte novo golpe informativo que cancela o anterior, impedindo profundar e analizar con detemento as claves que explican os distintos acontecementos. Hai temas de actualidade de tipo cultural (conflito lingüístico, historia de Galiza como nación, memoria histórica, o pensamento nacionalista) económico (poder e educación, modelo neoliberal) e político (Galiza no Estado, a hexemonía mundial, os conflitos internacionais...) que merecen ser tratados co suficiente detemento para ter ocasión de escoitar análises proporcionadamente extensas que permitan abordalos máis alá dos tópicos e os esquematismos propios do balbordo mediático e seren obxecto de debate e de contraste de pareceres cun modelo de actividades demorado e aberto no que haxa un tempo para o coloquio e a discusión cos relatores. A socioloxía da educación, en definitiva, toca aqueles temas que impregnan a actividade cognitiva de todos os que se atopan inmersos no proceso educativo de xeito inconsciente e determinante e que, porén, os que pretenden illar o ensino da vida exclúena consciente e interesadamente. Nestas xornadas, eliximos algúns deses asuntos que inflúen na vida cotiá do colectivo pedagóxico pola súa relevancia como temas de disputa nos confrontamentos sociais; por poñer en foco claves que axudan a comprender as relacións de dominio ou alianza que se producen na sociedade, por ser ilustrativos de experiencias que se están a producir e das que se poden extraer leccións útiles ou por daren a coñecer elementos da propia historia e da realidade do país que poña en valor o xenuíno, en prol dunha autoestima indispensábel como sustento da formación de cidadáns e cidadás activos/as, conscientes das súas propias forzas e confiados nas potencialidades que posúen».
Denominación da actividade: I Xornadas de Socioloxía da Educación. Educación e Sociedade. Galiza no mundo. Modalidade formativa: Xornadas. Obxectivos previstos:
|
|||||||||||||
|
|||||||||||||
|
ÚLTIMA REVISIÓN: 12/03/2008 |
|||||||||||||
|
